ALWAYS

高峰期每日同我反一次。

之前試過反轉左，到我放學番到屋企佢仲反緊，d尿都乾埋(佢反親實賴尿)。

近排有次我訓緊，我阿麻見到佢反左就叫醒我。我無理隻龜(抵佢死，成日亂爬)，過左陣佢自已反番正個身，不過要我幫佢清手尾，d尿。

最尾個張....反轉左懶無奈扮死，平日映相就縮都縮唔切，依家先識望鏡頭。

My Little Baby crossover Levis

又係細龜

今次玩企係度....=.=

細龜，鬼祟龜

準過天文台

大龜近呢2日開始唔食野，根據以往經驗，約一個月後就會番風…

睇下中唔中。

My Babies recently

近十月尾開始入深秋，大龜跟前幾年一樣食量開始慢慢減少，而隻細就一如的唔識飽咁不停食。

佢地身型一日一日咁大，都要買過d大size d既窿俾佢地冬眠訓覺。

d窿越出越大，年頭右邊個窿已經係金魚街最大的size，今日被我買到個更大！

真係「再大的龜我都能容下。」




到試窿喇，我先放大龜係兩個窿前面自已揀，佢都係去番佢訓慣既細窿(都夠佢用了)

再過多陣我放埋隻細龜入房睇下佢會唔會自已走入個窿度。點知佢無反應，我格硬放佢入個大窿度佢都係要出番黎。似乎係光左少少(走廊燈射到入去)，跟住我又放佢入去多一次，點知佢整督尿俾我！

算！抹乾淨之後我用塊布遮一遮個洞口，跟住佢就好安心係入邊了。但呢個時候佢又玩野…

係洞口放低幾兩…好似想同我講呢度以後係我架喇！=0=

想養龜既人買之前請三思

唔好以為係金魚街見到細細隻好得意，見到你隻手指隔住塊玻璃咬你好過癮。

就算你話你屋企幾大，有幾多位可以俾佢大左之後周圍爬也好，對佢地既耐性我諗跟養狗差唔多。

除照顧佢地食既問題外，衛生問題先最重要。

其實養龜跟養魚好似差唔多，但養龜比養魚仲污髒，多好多屎。

越大，d屎越臭越大篤。

小弟已經用一個膠箱加兩部filter(100L)，一個禮拜換一次水已經係極限。仲要有一大包活性碳係缸入邊

睇下d水…



平日當然唔係咁既色啦

只係我起晒d石，刷走晒d青苔先有咁既成績

換水刷缸換filter d棉總共使左我成個鐘


如果你係無如此既耐性，唔該你唔好買。

放生只係間接謀殺隻龜/大自然。